2 Line Poetry

Dua Shayari – Sab kuch maang liya tujh ko khuda se maang kar

Sab kuch maang liya tujh ko khuda se maang kar,
Utthte nahin hain hath mere iss dua ke baaad..

Advertisements

===============================

Harf-e-tauba humein sikha phir se,
Humein dikhlaa raah-e-khuda phir se,

Le kar apni panaah main ya rab,
Humein Shaitaan se bachaa phir se,

Advertisements

Phir sunaa de humain naveed-e-bahisht*,
Naar-e-dozakh* se bhi daraa phir se,

Hum bhatakne lage hain dikha de,
Aye khuda seedha raasta phir se,

Jaise ki thi mere bazurgon ki,
Kar qabool aise hi meri dua phir se,

Fikar taaza ho jis ki khusbhuu se,
Phool gulshan main aisa khilaa phir se..

===============================

Ya rab mujhe na maal, na jah-o-jallal de,
Do din ke baad rizq de lekin halaal de..

===============================

Duaa koi bi rad nahi jati,
Log itnizar hi nahi karte..

===============================

Dil de to is mizaaj ka parwardigaar de,
Jo ranjj ki gharri bhi khushi se guzaar de..

===============================

Yaad teri, bass baat teri, fariyaad teri,
Ya rab mujhe kaam koi to aur bhi ho..

===============================

Khuda naseeb kare un ko khushiyan saari,
Adam woh log jo hum ko udaas rakhte hain..


Leave a Comment