Ahmad Kamal

Ajnabi khauf fizaon main basa ho jaise – Ahmad Kamal

Ajnabi khauf fizaon main basa ho jaise
shahar ka shahar hi aseb zada ho jaise

Advertisements

Raat ke pichle pahar ati hain avazain si
dur shahara main koi chiKh raha ho jaise

Dar-o-divar pe chai hai udasi aisi
aj har ghar se janaza sa utha ho jaise

Muskurata hun pa-e-Khatir-e-ahabab magar
dukh to chehre ki lakiron pe saja ho jaise

Advertisements

Ab agar dub gaya bhi to marunga na Kamal
bahte pani pe mera nam likha ho jaise


1 Comment

Leave a Comment