Ahmad Nadeem Qasmi

Ik Sehmi Sehmi Si Aahat Hai, Ik Mehka Mehka Saya Hai + 5 Ghazals Ahmad Nadeem Qasmi

Ik Sehmi Sehmi Si Aahat Hai, Ik Mehka Mehka Saya Hai
Ehsaas Ki Is Tanhai Mein Yeh Raat Gaye Kon Aya Hai

Advertisements

Aye Shaam Alam Kuch Tu Hi Bata, Yeh Dhang Tujhe Kyon Bhaya Hai
Woh Meri Khoj Mein Nikla Tha Aur Tujh Ko Dhoond Ke Aya Hai

Mein Phool Samajh Ke Chun Loon Ga Is Bheege Se Angaaron Ko
Ankhon Ki Ibaadat Ka Mein Ne Bss Aik Yehi Phal Paya Hai

Kuch Roz Se Barpa Chaar Taraf Hain Shadi O Gham Ke Hangamey
Sunte Hain Chaman Ko Maali Ne Phoolon Ka Kafan Pehnaya Hai…

Advertisements

****************************

Itna Dushwar Nahin Maut Ko Taley Rakhna
Sar Jo Kat Jaye To Dastar Sambhaley Rakhna

Chot Khana, Magar Is Tarah Ke Lodhey Uthey
Zulmat Gham Isi Tarey Se Ujahely Rakhna

Apne Ehbaab Ko Seeney Se Lagaye Phira
Aik Khanjar Bhi Jaib Mein Daley Rakhna

Meri Pehchan Mere Peer-E-Hin Zakhm Se Hai
Ab Bhi Aezaaz Sahi Shaal Do Shaley Rakhna

Dasht Ehsaas Ki Hiddat Bhi Kayamat Hai Nadeem
Kuch Zaroori Tou Nahin Paon Mein Chaley Rakhna

*************************

Wo Koi Aur Na Tha Chand Khushk Patte The
Shajar Se Tut K Jo Fasl-E-Gul Pe Roye The

Abhi Abhi Tumhain Socha To Kuch Na Yad Aya
Abhi Abhi To Ham Ek-Dusare Se Bichre The

Tumhare Bad Chaman Par Jab Ik Nazar Dali
Kali Kali Main Khizan K Chirag Jalate The

Tamam Umr Wafa Ke Gunahgar Rahe
Ye Aur Bat Ki Ham Adami To Ache The

Shab-E-Khamosh Ko Tanhai Ne Zaban De Di
Pahar Gunjte The Dasht Sansanate The

Wo Ek Bar Mare Jin Ko Tha Hayat Se Pyar
Jo Zindagi Se Gurezan The Roz Marte The

Naye Khayal Ab Ate Hain Dhal Ke Zahan Main
Hamare Dil Main Kabhi Khet Lahlahate The

Ye Irtiqa Ka Chalan Hai K Har Zamane Main
Purane Log Naye Admi Se Darte The

?Nadeem? Jo Bhi Mulaqat Thi Adhuri Thi
K Ek Chehre Ke Piche Hazar Chehre The

Ik Umar Se Fareb-E-Safar Kha Rahe Hain Hum,
Maloom Hi Nahin Ke Kahan Ja Rahe Hain Hum..

***************************

Jo Buraayi Mere Naam Se Mansoob Huyi,
Dosto! Kitna Bura Tha Mera Acha Hona..

***************************

Waqt Ik Pal Ko Jo Ruk Jaye To Ehsaan Is Ka,
Chand Yaadain Mere Dil Mein Se Guzarna Chahain..

***************************

Mein Tujhe Ko Bhool Chuka, Lekin Aik Umar Ke Baad
Tera Kheyal Kya Tha Ke Chott Ubhar Aayi…

Leave a Comment