Ahmad Faraz

2 Lines Poetry By Ahmed Faraz

Zikr Us Ka Hi Sahi Bazm Mein Betho To Faraz,
Dard Kaisa Hi Uthay Haath Na Dil Pe Rakhnaa..

**********************

Har Waqt Ka Hasnaa Tujhe Barbaad Na Kar De,
Tanhaayi Ke Lamhon Mein Kabhi Ro Bhi Liya Kar,

Aye Dil! Tujhe Dushman Ki Bhi Pehchaan Kahan,
Tu Halqa-E-Yaraan* Mein Bhi Mohtaat* Raha Kar..

**********************

Ro Parra Hoon To Koi Baat Hi Aesi Ho Gi,
Main Ke Waqif Tha Tere Hijr Ke Adaab Se Bhi..

**********************

Aesi Tareekiyan Aankhon Mein Bassi Hain Ke Faraz,
Raat To Raat Hai Hum Din Ko Jalate Hain Chiraagh..

**********************

Ab Ke Hum Bichrre To Shayed Kabhi Khawbon Main Milen,
Jiss Tarah Sookhay Huye Phool Kitaabon Main Milen..

**********************
Dhoondta Phirta Hoon Logon Main Shabaahat Uski,
Ke Woh Khawbon Main Bhi Lagti Hai Khayalon Jesi..

**********************

Aur Faraz Chahiyen Kitni Mohabbten Tujh Ko,
Maaon Ne Tere Naam Pr Bachon Ka Naam Rakh Diya..

**********************

Yeh Mohabbat Bhi Hai Kya Rog Faraz,
Jis Ko Bhoolen Woh Sadaa Yaad Aye..

**********************

Uss Ki Woh Jane Usay Paas-E-Wafa Tha Ke Na Tha,
Tum Faraz Apni Taraf Se To Nibhaate Jaate..

**********************

Hui Hai Shaam To Ankhon Main Bass Geya Phir Tu,
Kahaan Geya Hai Mere Sheher Ke Musaafir Tu..

**********************

Leave a Comment