Ahmad Faraz

Beniyaaz-E-Gham-E-Paimaan-E-Wafa Ho Jana + 5 Ghazals By Ahmad Faraz

Advertisements

Beniyaaz-E-Gham-E-Paimaan-E-Wafa Ho Jana,
Tum Bhi Auron Ki Tarah Mujhse Juda Ho Jana,

Advertisements

Main Bhi Palkon Pe Saja Lunga Lahoo Ki Boondein,
Tum Bhi Paabasta-E-Zanjeer-E-Heena Ho Jana,

Khalq Ki Sang-Zani Meri Khaton Ka Sila,
Tum Tou Masoom Ho, Tum Door Zara Ho Jana,

Ab Mere Waaste Tariyaq Hai Ilhaad Ka Zeher,
Tum Kisi Aur Pujaari Ke Khuda Ho Jana

Advertisements

*************************************

Kal hum ne bazm-e-yaar mein kya kya sharab pee,
Sehraa ki tishnagi thi sau daryaa sharaab pee,

Tu sath jo nahin hai to kya gulistan ki sair,
Tu hum’saboon nahin hai to phir kya sharab pee,

Kal aik bazurg dost ne yeh mashwraa diya,
Tera nahin ilaaj koi ja sharaab pee..

**************************************

Kiyon Tabiaat Kahin Theharti Nahi
Dosti Tau Udaas Karti Nahi

Hum Hamesha Ke Ser Chashm Sahi
Tujh Ko Dekhain Tau Aankh Bharti Nahi

Shab-e-Hijraan Bhi Roz-e-Bad Ki Tarah
Kutt Tau Jaati Hai Par Guzarti Nahi

Sher Bhi Aayton Se Kiya Kum Hein
Hum Pe Mana Wahi Utarti Nahi

Yeh Mohabbat Hai, Sun Zamany Sun
Itni Aasanion Se Marti Nahi

Jiss Tarah Tum Guzaarty Ho Faraz
Zindagi Iss Tarah Guzarti Nahi

*************************************

Faraz? wo ankhain jheel c gehri tu hain magar!
un main koi aks meray nam ka nahin
Asahqi sy uski usy bewafa na jan!!
Aadat ki bat aur hai wo dil ka bura nahin

***************************************

Labon pe hansi ankhon main sawal rakhta tha

is zarf main itna kamal rakhta tha

kia khaber thi mujhy hi bhool jae ga

jo meri ik ik cheez sanbhal rakhta tha

suna hai log ab boht sataty hain usy

main jis ka itna khyal rakhta tha

***************************************

koi aisa pyar ka bazaar hota

jis main nilaam wo sar-e-bazar hota

hum usy khareedty sab juch beech kar

aur phir dekhty kesy wo kisi aur k naam hota

Leave a Comment