Aitbar Sajid

Yeh Barson Ka Taluq Torr Dena Chahte Hain Hum + 3 Ghazals By Aitbar Sajid

Advertisements

Yeh Barson Ka Taluq Torr Dena Chahte Hain Hum,
Ab Apne Aap Ko Bhi Chorr Dena Chahte Hain Hum,

Advertisements

Kisi Dehleez Pr Ankhon Ke Yeh Roshan Diye Rakh Kar,
Zameeer-E-Subh Ko Jhinjhorr Dena Chahte Hain Hum,

Jidhar Hum Ja Rahe Hain Us Taraf Toot’ta Hua Pull Hai,
Yeh Baaagen Is Se Pehle Morr Dena Chahte Hain Hum,

Yeh Naubat Kal Jo Aani Hai To Sharminda Nahin Hon Ge,
Maraasim Ehtiyatan Torr Dena Chahte Hain Hum,

Advertisements

Ajab Deewangi Hai Jis Ke Hum Saaye Main Bethe Hain,
Usi Deewar Se Sar Phorr Dena Chahte Hain Hum,

Taluq Kirchiyon Ki Shakal Main Bikhraa To Hai Phir Bhi,
Shikasta Aayinon Ko Jorr Dena Chahte Hain Hum..

*************************

Hum Bhi Shikasta Dil Hain, Pareshan Tum Bhi Ho,
Andar Se Raiza Raiza Meri Jaan Tum Bhi Ho,

Hum Bhi Hain Aik Ujrre Huye Sheher Ki Tarah,
Ankhen Bataa Rahi Hain Ke Veeraan Tum Bhi Ho,

Darpesh Hai Humen Bhi Karri Dhoop Ka Safar,
Saaye Ki Aarzuu Main Pareshaan Tum Bhi Ho,

Jese Kisi Khayaal Ka Saaya Hain Do Wajood,
Hum Bhi Agar Qayyaas Hain, Imkaan Tum Bhi Ho,

Mil Jayen Hum To Kesa Suhaana Saffar Katte,
Ghaayal Hain Hum Bhi, Sokhta Samaan Tum Bhi Ho..

*************************

Tumhen Jab Kabhi Milain Fursatain Mere Dil Se Bhoj Utaar Do,
Main Bohat Dinon Se Udas Hoon Mujhe Koi Sham Udhaar Do,

Mujhe Apne Roop Ki Dhoop Do Ke Chamak Sakain Mere Haal-O-Hadh,
Mujhe Apne Rang Main Rang Do Mere Sare Zung Utar Do.

Kisi Aur Ko Mere Haal Se Na Gharz Hai Koi Na Waasta,
Main Bikhr Gya Hoon Samait Lo, Main Bigarr Geya Hoon Sanwaar Do.

Meri Wehshton Ko Barrhaa Diya Hai Judayion Ke Azab Ne,
Mere Dil Pe Haath Rakho Zara Meri Dharrknon Ko Qarar Do,

Tumhe Subah Kaisi Lagi Kaho Mere Khawahshon Ke Dayaar Ki,
Jo Bhali Lagi To Yahin Raho, Isse Chahton Se Nikhaar Do.

Wahan Ghar Main Kon Ha Muntazir Ke Ho Fikar Dair Sawair Ki,
Barri Mukhtsar Si Yeh Raat Hai Isse Chandni Main Guzaar Do.

Koi Baat Krni Ha Chand Se Kisi Shakhsaar Ki Oatt Mein,
Mujhe Raste Main Yahin Kahin Kisi Kunj-Gul Main Utar Do.

*************************

Leave a Comment