Ibn-e-Insha

Ye Baaten Jhuutii Baaten Hain, Ye Logon Ne Phailaa’ii Hain + 3 Ghazals By Ibn-E-Insha

Ye Baaten Jhuutii Baaten Hain, Ye Logon Ne Phailaa’ii Hain
Tum Insha Jii Kaa Naam Na Lo, Kyaa Insha Jii Sauda’ii Hain?

Advertisements

***************************

 Hum Jungle Ke Jogi, Hum Ko Aik Jagha Araam Kahan,
Aaj Yahan, Kal Aur Nagar, Subah Kahan To Shaam Kahan..

***************************

Advertisements

Aaj To Hum Ko Paagal Keh Lo, Pathar Phenko, Tanzz Kar Lo,
Ishq Ki Baazi Khel Naheen Hain, Khelo Ge To Haaro Ge..

Ibn E Insha

***************************

Bhala Gardish E Falak Falak Chain Deti Hai Kisay Ansha !
Ghaneemat Hai Kah Hum Soorat Yahan Do Chaar Bethay Hain

***************************

Phir Se Ankhon Main Khawb Insha Ji,
Ijtinaab, Ijtinaab, Ijtinaab Insha Ji..

Chal Insha Apne Gaaon Main

Yahan Uljhey Uljhey Roop Buhat
Per Asli Kamm, Behroop Buhat

Is Pairr K Neechey Kya Rukna
Jahan Sa`Aey Kamm, Dhoop Buhat

Chal Insha Apne Gaaon Main
Bethein Ge Sukh Ki Chhaaon Main

Kyun Teri Aankh Sawaali Hai?
Yahan Har Ek Baat Niraali Hai

Is Dais Baseira Mat Karna
Yahan Muflis Hona Gaali Hai

Chal Insha Apne Gaaon Main

Jahan Suchey Rishtey Yaaron K
Jahan Vaadey Pakkey Pyaaron K

Jahan Sajda Kare Wafa Paaon Main
Chal Insha Apne Gaaon Main

***************************

Aur To Koi Bas Na Chalega Hijr K Dard K Maron Ka
Subah Ka Hona Dubhar Kar Dein Rasta Rok Sitaron Ka

Jhuthe Sikon Mein Bhi Utha Dete Hain Aksar Sacha Mal
Shaklen Dekh K Sauda Karna Kam Hai In Banjaron Ka

Apni Zuban Se Kuch Na Kahenge Chup Hi Rahenge Ashiq Log
Tum Se To Itna Ho Sakta Hai Pucho Hal Becharon Ka

Ek Zara Si Bat Thi Jis Ka Charcha Pohuncha Gali Gali
Ham Gumnamon Ne Phir Bhi Ehsan Na Mana Yaron Ka

Dard Ka Khna Chikh Utho Dil Ka Taqaza Waza Nibhao
Sab Kuchh Sehna Chup Chup Rahna Kam Hai Izzatdaron Ka

Leave a Comment