Mohsin Naqvi

Kuch To Ae Yaar Elaj-E-Ghum-E-Tanhai Ho + 5 Ghazals By Mohsin Naqvi

Advertisements

’Kuch To Ae Yaar Elaj-E-Ghum-E-Tanhai Ho
Baat Itni B Na Brr Jaye K Ruswai Ho

Advertisements

Jis Ne B Mujhko Tamasha Sa Bana Rakha Hy
Ab Zarori Hy Wohi Aankh Tamashai Ho

Dobne Wale To Aankho Se B Kub Nikle Hain
Dobne K Liye Lazim Nahi,Gehrai Ho

Main Tujhe Jeet B Tohfey Me Nahi De Sakta
Chahta Ye B Nahi Hon Teri Paspai Ho

Advertisements

Koi Anjan Na Ho Shehr-E-Mohabat Ka Makeen
Kash Har Dil Ki Har Ik Dil Se Shanasai Ho

Yon Guzar Jata Hai Mohsin Tere Koche Se Woh
Tera Wakif Na Ho Jese Koi Sodai Ho..!

************************

Wo Humsafar Tha Magar Us Se Hum Nawayi Na Thi
K Dhoop Chaon Ka Aalam Raha Judai Na Thi

Adawatein Thi
Taghaful Tha
Ranjishen Thi
Magar
Bicharne Wale Main Sab Kuch Tha Magar Be Wafai Na Thi

Bicharte Waqt Un Aankhon Main Thi Hamari Ghazal
Ghazal Bhi Wo Jo Kabhi Kisi Ko Sunayi Na Thi

Kisay Pukaar Raha Tha Wo Doobte Huey Din
Sada To Ayi Thi Lakin Koi Duhaayi Na Thi

Kabhi Ye Haal K Dono Main Yak-Dili Thi Mohsin
Kabhi Ye Marhala Jaise K Aashnayi Na Thi

************************

Junon E Ishq Ki Rasmen Ajeeb Kya Kehna
Main Un Se Duur Wo Mere Qareeb Kya Kehna

Ye Teergi Musalsal Mein Aik Waqfa Noor
Ye Zindagi Ka Tilsam Ajeeb Kya Kehna

Jo Tum Ho Barq Nasheman To Main Nasheman Barq
Ulajh Pare Hein Hamare Naseeb Kya Kehna

Laraz Gayee Teri Lau Mere Dagmagane Se
Charag Gosha Koye Habib Kya Kehna

************************

Hon Gay Juda Hum Es Tarah, Imkan Tu Na Tha…..
Ye Dil Kabhi Bhi Es Tarah, Weraan Tu Na Tha.

~~Jesay Howa Hai Ab K Wo, Halaat Say Mray…..
Pehlay Kabhi Wo Es Tarah, Anjaan Tu Na Tha.

~~Wo Shehr Se Gia Hai Tu, Ronaq Bhi Lay Gia…..
Ye Shehr Es Tarah Kabhi, Sunsaan Tu Na Tha.

~~Ek Pyar Ki Jageer Ka, Maalik Tha Mein Kabhi……
Pehlay Se Yonhi Be-Sar-O-Samaan Tu Na Tha.

~~Mohsin Hum Ne Ishq Mein,Paya Naffa Bahut…..
Es Kaarobaar Mein Koi, Nuqsan Tu Na Tha.

************************

Usay Paana, Usay Khona, Ussi Ke Hijr Mein Rona
Yehi Gar Ishq Hai Mohsin, To Hum Tanha Hi Achay Hain !

**Usne Jab Jab Bhi Mujhe Dil Se Pukara Mohsin.
Me Ne Tab Tab Yeh Bataya Ke Tumhara Mohsin.

Log Sadyon Ki Khataon Pe Bhi Khush Baste Hain.
Humko Lamhon Ki Wafaon Ne Ujara Mohsin.

Jab Agiya Ho Ye Yaqin Ab Woh Nahin Aega.
Gham Aur Anso Ne Diya Dil Ko Sahara Mohsin.

Woh Tha Jab Pas To Jeene Ko Bhi Dil Karta Tha.
Ab To Pal Bhar Bhi Nahin Hota Guzara Mohsin.

Usko Pana To Muqadar Ki Lakeron Men Nahin.
Uska Khona Bhi Karen Kaisa Gavara Mohsin………

************************

Leave a Comment