Parveen Shakir

Hawaa Ke Hote Huye Roshni Tu Kar Jaye + 5 Ghazals By Parveen Shaker

Advertisements

Hawaa Ke Hote Huye Roshni Tu Kar Jaye,
Meri Tarah Se Koi Zindagi Tu Kar Jaye,

Advertisements

Tamaam Umar Tayeb Mein Hi Basar Hogi,
Teri Taraf Se Nazar Be-Rukhi To Kar Jaye,

Chiragh-E-Dil Teh Mehraab Jaan Na Chore,
Hawaa Ke Sath Koi Dushmani To Kar Jaye,

Phir Is Ke Baad Jahan Mein Kahin Panaah Nahin,
Tere Huzoor Yeh Jaan Sarkashi Tou Kar Jaye,

Advertisements

Woh Dushmani Ke Bhi Kaabil Na Mujh Ko Chore Ga,
Us Aadmi Se Yeh Dil Dosti Tou Ka Jaye…

*****************************

Dard Phir Jaaga,Purana Zakhm Phir Taaza Hua
Fasl E Gul Kitnay Qareeb Aaii Hai,Andaza Hua

Subha Yuun Nikli,Sanwar Kay Jis Terha Koi Dulhan
Shabnam Aawaiza Hui,Rang E Shafaq Ghaza Hua

Haath Meray Bhool Bethay Dastaken Dainay Ka Fun
Band Mujh Par Jab Say Us Kay Ghar Ka Darqaza Hua

Rail Ki Seeti Men Kesay Hijr Ki Tamheed Thi
Us Ko Rukhsat Kar Kay Ghar Loatay To Andaza Hua

*****************************

Waqt Ke Sath Anaasar Bhi Rahe Sazish Mein,
Jal Gaye Pairr Kabhi Dhoop Kabhi Barish Mein,

Woh Tou Ik Saada-O-Kam Shauq Ka Talib Nikla,
Hum Ne Naahiq Hi Ganwaya Usey Aarayesh Mein,

Zindagi Ki Koi Mehroomi Nahin Yaad Ayi,
Jab Talak Hu Mthey Tere Qurb Ki Asaayesh Mein,

Aik Dunya Ka Qaseeda Tha Agarche Mere Naam,
Lutf Aata Tha Kisi Shakhs Ki Fehmayesh Mein,

Us Ki Ankhen Bhi Meri Tarah Se Girdi Kahin Aur,
Khawb Ka Qarz Barh Jata Hai Ik Khawish Mein…

*Agar Ban Mein Rehna Mukadar Hai,
Aur Yeh Aik Teh-Shuda Amar Bhi Hai,
Ke Har Ban Mein Bas Bherriye Muntazir Hain Mere,
Tou Yeh Sochti Hoon,
Ke Is Soorat-E-Haal Mein,
Kyon Na Phir,
Apni Marzi Ke Jungle Mein Ja Basoon…

*****************************

Kya Kya Na Khawb Hijar Ke Mausam Mein Kho Gaye,
Hum Jagte Rahe They Magar Bakht So Gaye,

Us Ne Peyaam Bheje To Raste Mein Reh Gaye,
Hum Ne Jo Khat Likhe Woh Hawaa Burd Ho Gaye,

Mein Sheher E Gul Mein Zakham Ka Chehra Kisey Dikhaon,
Shabnam Badast Log Tou Kantey Chubho Gaye,

Aanchal Mein Phool Le Ke Kahan Ja Rahi Hoon Mein,
Jo Aney Waley Log They, Woh Log To Gaye,

Kya Janiye Ufq Ke Udhar Kya Talism Hai,
Lautey Nahin Zameen Pe Ik Baar Jo Gaye,

Jese Badan Se Qos-E-Qaza Phootne Lagi,
Barish Ke Haath Phool Ke Sab Zakhm Dho Gaye,

Ankhon Mein Dheere Dheerey Utar Ke Puraney Gham,
Palkon Main Nanhe Nanhe Sitarey Piro Gaye,

Woh Bachpney Ki Need Tou Ab Khawb Ho Gayi,
Kya Umar Thi Ke Raat Huyi Aur So Gaye,

Kya Dukh They, Kon Jaan Sake Ga, Nigar-E-Shab,
Jo Mere Aur Tere Dupatey Bhigo Gaye..

*****************************

Leave a Comment