Oct 142012
 

Parveen Shakir ki Ghazal ..

Chaand Meri Tarah Pighalta Raha
Neend Mein Saari Raat Chalta Raha

Jaanay Kis Dukh Se Dil Girifta Tha
Mun Pe Baadal Ki Raakh Malta Raha

Mein Tou Paaon Ke Kaantay Chunti Rahi
Aur Wo Raasta Badalta Raha

Raat Galyon Mein Jub Bhatakti Thi
Koi Tou Tha Jo Saath Chalta Raha

Sard Rut Mein, Musaafiron Ke Lye
Payrr, Ban Kar Alaao, Jalta Raha

Mausami Bel Thi Mein Sookh Gayi
Wo Tanaawar Darakht, Phalta Raha

Dil, Mere Tan Ka Phool Sa Bacha
Patharon Ke Nagar Mein Palta Raha

Neend Hee Neend Mein Khilonay Lye
Khwaab Hee Khwaab Mein Behelta Raha

  One Response to “Parveen Shakir Chand Meri Tarhan…”

  1.  

    Suno guzart hua saal jaisey bhi guzraa mghr saal ka aakhri din nhhaayat kathhin hai SUNOO…!!!!!!!!!!!!!!!!!!!!!!!!!!!!!!!!!!!!!! NAYE saal ki muskuraati hui subha yeh bujhhta hua dil dharakta to hai muskuraata nahi DECEMBER MUJHEY RAAS AATA NAHI………………….!!!!!!!!!!!!!!!!!!!

 Leave a Reply