Mohsin Naqvi

Mohsin Naqvi is one of the known poet around the world specially in Pakistan and India.
Mohsin Naqvi poetry collection added and updated regularly.
We love to publish Mohsin Nakvi’s poetry and Mohsin Naqvi shayari if its not yet published on ILoveShyari.Com.
Keep visiting for more Nazam, Sher and Ghazals

Jan 242013
 
Diya Khud Se Bujha Dena
Hawa Ko Aur Kia Dena ?

Sitare Nochne Walo
Falak Ko Aasra Dena

Kabhi Is Taur Se Hansna
Ke Dunya Ko Rula Dena

Kabhi Is Rang Se Rona
Ke Khud Pe Muskura Dena

Main Teri Dastaras Chahun
Mujhe Aisi Dua Dena

Main Tera Barmla Mujrim
Mujhe Khul Kar Saza Dena

Main Tera Munfarid Sathi
Mujhe Hat Kar Jaza Dena

Mera Sar Sab Se Ooncha Hai
Mujhe Maqtal Naya Dena

Mujhe Acha Laga “Mohsin”
Ose Pa Kar Ganwa Dena

Nov 202012
 

Dasht-e-Wafa Mein Pyaas Ka Aalam Ajeeb Tha
Dekha To Aik Dard Ka Dariya Qareeb Tha

Guzrey Jidhar Jidhar Se Tamanna K Qaafley
Her Her Qadam Pe Aik Nishaan-e-Saleeb Tha

Kuch Aysi Meherbaan Tou Na Thi Ham Pe Zindagi
Kyun Her Koi Jahaan Mein Hamara Raqeeb Tha

Apna Pata To Us Ne Diya Tha Mujhy “MOHSIN”
Main Khud Hi Kho Gaya Tou Ye Mera Naseeb Tha

Sep 192012
 

Nazar Mein Zakham-e-Tabassum Chhupa Chhupa Ke Mila
Khafa Tou Tha Wo Magar Mujh Se Muskura Ke Mila

Wo Hamsafar Ke Mere Tanz Pe Hansa Tha Bohat
Sitam Zareef Mujhe Aaina Dikha Ke Mila

Mere Mizaaj Pe Hairaa.n Hai Zindagi Ka Shaoor
Mein Apni Mout Ko Aksar Galay Laga Ke Mila

Mein Os Se Maangta Kia Khoon Bahaa Jawaani Ka
Ke Wo Bhi Aaj Mujhe Apna Ghar Luta Ke

Mein Jis Ko Dhoond Raha Tha Nazar Ke Rastay Mein
Mujhe Mila Bhi Tou Zaalim Nazar Jhuka Ke Mila

Mein Zakham Zakham Badan Le Ke Chal Dya “Mohsin”
Wo Jub Bhi Apni Qabaa Per Kanwal Sajaa Ke Mila
-Mohsin Naqvi

Sep 082012
 

Zara Si Dair Mein Ham Kaisay Kholtay Osko
Tamaam Umer Lagi Jhoot Boltay Osko

Jisay Kasheed Kia Tha Khumaar-e-Khushbuu Se
Misaal-e-Rang Hawaaon Mein Gholtay Osko

Wo Khwaab Mein Hee Utarta Shuaa-e-Subah Ke Saath
Ham Apnay Aap Hee Palkon Pe Toultay Osko

Wo Ashk Tha Ose Aankhon Mein Dafan Hona Tha
Gohar Na Tha Ke Sitaaron Mein Roltay Osko

Wo Be-Wafa Tha Tou Iqraar Lazmi Karta
Kuch Aur Dair Meri Jaan Tatoltay Osko

Kisi Ki Aankh Se “Mohsin” Zaroor Peeta Hai
Tamaam Sheher Ne Dekha Hai Doultay Osko

Mohsin Naqvi
Aug 312012
 

Jaane Ab Kis Dais Milain Ge Unchi Zaaton Waalay Loog?
Naik Nigahon, Sache Jazbon Ki Saugaaton Waalay Loog

Pyaas Ke Sehraaon Mein Dhoop Pehen Kar Paltay Banjaaro…!
Palkon Oat Talaash Karo, Bojhal Barsaaton Waalay Loog

Waqt Ki Urrti Dhool Mein Apne Naqsh Ganwae Phirte Hain,
Rim Jhim Subhon, Roshan Shaamon,Resham Raaton Waalay Loog

Aik Bhikaarun Dhoond Rahi Thi Raat Ko Jhoote Chehron Mein,
Ujle Lafzon, Sachi Baaton Ki Khairaaton Waalay Loog

Aane Waali Rog Ruton Ka Pursa Dain Har Larki Ko…!
Shehnaai Ka Dard Samajh Lein Gar Baaraton Waalay Loog

Pathar Kootne Waalon Ko Bhi Sheeshe Jaisi Saans Milay !!
“Mohsin” Roz Duaaen Maangain Zakhmi Haathon Waalay Loog

Aug 242012
 

Wohi Raaton Ki Bedaari Hai Ab Tak,
Tamanna Ka Safar Jaari Hai Ab Tak,

Khayal-e-Zabt Aur Tark-e-Talluq,
Yehi Pathar Bohat Bhari Hai Ab Tak,

Akeli Chandni Raaton Main Dil Ko,
Sulag Uthney Ki Beemari Hai Ab Tak,

Abhi Pichley Dinon Jo Ham Pe Guzri,
Usi Rut Ka Nasha Taari Hai Ab Tak,

Main Hijrat Kar Tou Loon Chaman Se “Mohsin”
Par Parindon Se Meri Yaari Hai Ab Tak…….!!

Mohsin Naqvi

Aug 182012
 

Ye Ronaqaein Ye Loog Ye Ghar chor Jaon Ga
Ik din Mein roshni ka Nagar chor jaon Ga

Marnay Say Payshtar Meri Awaz Mut Chura
Mein Apni Jaidaad Idhar Chor Jaon Ga

Qatil Mera Nishaan Mitaanay pay Hay Baazidd….
Mein Bhi Sinaa’n Ki Nooq Pay Sir Chor Jaoon Ga

Tu Nay Mujhay Chiragh Samajh kar Bujha diya
Laykin Tery Liyay Mein Sehar Chor Jaoon Ga

Aa’inda Nasal Mujh Ko Parhay gi Ghazal Ghazal
Mein Harf Harf Apna Hunar Chor Jaoon Ga..

Tum Apnay Aabloo’n Ko Bachatay Ho Kis LIyay ?
Mein to Safar Mein Rakht-e-Safar Chor Jaoon Ga

Mein Apnay Doobnay Ki Alaamat Kay toor par!
Darya Mein Aik Aadh Bhanwar Chor Jaoon Ga

Lashkar Karain Gay Meri Dalayri Pay Tabsaray
Mar Kar Bhi Zindagi Ki Khabar Chor Jaoon Ga

“Mohsin” Mein Us Kay Zakhm Khareedoon Ga Aik Din
Aur Us K Paas La’al-o-Gohar Chor Jaoon Ga

-Mohsin Naqvi

Jul 312012
 

So Baar Ujar Kay Phir Basaa Hoon
Jangal Hoon Magar Hara Bhara Hoon,

Har Shaks Mein DHoondta Hoon Khud Ko
Shayad Mein Kisi Mein Kho Giya Hoon,

Ab Teraa Wisaal Raiegaan Hai
Main Kab Ka Udaas Ho Chuka Hoon,

Andha Hoon Pkar Le Haath Mera
Ay Hijar Ki Shab Mein Be Asaa Hoon,

Khush Ho Ay Bulandiyon Ki Khawahish
Main Nok-e-Sinaa Pe Saj Giya Hoon,

Dariya Ko Shikast Di Hai Maine
Mashkeeze Mein Piyas Bhar Raha Hoon,

Karta Hai Qabool Kon Mujh Ko
Kat`te Howe Haath Ki Dua Hoon,

Sach Yeh Hai Kay Ajnabi Hoon Khud Se
Kehne Ko Main Sab Se Ashnaa Hoon,

Uljha Hoo Yeh Soch Kar Hawaa Se
Main Shaher Ka Akhri Diya Hoon,

Din Bhar Ki Tapish Mein Kon Jhulse
Main Shab Ko Badan Pe Aurhta Hoon,

Mujhe Khud Pe Naz Tha Kaisa ?
Main Yoon Bhi Misaal-e-Naqash-e-Paa Hoon.

Jul 292012
 

Ab yeah sochoon to bhanwar zahan mein par jatay hain
kaisay chehray hain jo milte hain bichar jatay hain

Kion tere durd ko dien tuhmat-e-weerani-e-dil?
Zalzaloon mein to bharay shehar ujar jatay hain

Mousam-e-durd mein ik dil ko bachaoon kaisay???
Taiz andhi mein to khaimay bhi ukhar jatay hain

Soch ka aaina dhundla ho to phir waqt ke sath
chand chehroon ke khad-o-khaal bigar jatay hain

Shidat-e-ghum mein bhi zinda hoon to hairat kaisi???
Kuch diye tund hawaoon se bhi larde jatay hain

Wo bhi kia log hain “Mohsin” jo wafa ki khatir
Khud Tarasheeda asooloon pe bhi urd jatay hain

===

Mohsin Naqvi Poetry in [Audio + Video]

Feb 052012
 

میری اوقات کیا!
میرے دن رات کیا
ریزہ ریزہ بدن
قطرہ قطرہ لھو
ٹکڑے ٹکڑے ضدیں
رائیگاں جستجو
لمحہ لمحہ سفر
بے ثمر آرزو!
ایک آوارگی!
سر بہ سر کو بہ کو
ایک بدنام فن!
شش جہت چار سو
میرے زیر۔ نگیں کب کوئی آسماں
کب کوئی سر زمیں
میرا ملبوس۔جاں
مہک کی آستیں
صرف شاعر ھوں میں
اور اس دور میں
زر کے معیار پر
وقت کے روبرو
شاعری کچھ نہیں

اس لیئے جان ۔ من
بھول کر عہد ۔ جاں
چھوڑ کر شھر ۔ تن
توڑ کر بے خلل
درد کی ھر رسن
مجھ سے بے ساختہ
(بے نیاز ۔ وفا)
چھین کر بے سبب
سایہء زلف و لب
مجھ سے کر کے جدا
اپنا بند ۔ قبا
تو نے اچھا کیا!
میری اوقات کیا!
میرے دن رات کیا