Roman Urdu Poetry

Bewafa Shayari – Guzar gaya koi thokar laga k aaj mujhay

Advertisements

Guzar gaya koi thokar laga k aaj mujhay
K jaisy mein bhi khiza’n ka haqeer patta tha .

Advertisements

=======================

Guzarney walay youn sarsari na guzar dil se
Muskan shikasta sahi per makeen rakhta tha. !

=======================

Advertisements

Gardaab mein, chonk parra un ki sadaa per
Ehsaan ye mujh per mery ehbaab na kartay. . !

=======================

Is dil ne teray baad muhabbat bhi nahi’n ki
Had ye k dharakney ki jasaarat bhi nahi’n ki
Tabeer ka aizaz hua hai usey haasil
Jis ne mery khuwabo’n mein sharakat bhi nahi’n ki
Ulfat tou barri baat hai hum se to sir-e-sheher
Logo’n ne kabhi dhang se nafrat bhi nahi’n ki
Aadab-e-safar ab wo sikhatay hain jinho’n ne
Do chaar qadam tay ye musaafat bhi nahi’n ki
Kia apni safai mein bayaa’n daity k hum ne
Nakarda gunaho’n ki wazahat bhi nahi’n ki
Khamosh tamashaai k manind sir-e-bazm
So zakhm sahay dil pe, shikayat bhi nahi’n ki
Us ghar k sabhi log mujhy chorrney aaye
Dehleez talak us ne ye zehmat bhi nahi’n ki
Us ne bhi ghulam’on ki safo’n mein humain rakha
Is dil pe kabhi jis ne hakoomat bhi nahi’n ki. . !

=======================

Mein tou usko dekhtay hi jaisy pathar ho gaya
Baat tak na munh se nikli be-wafa k saamney. . !

=======================

Meine chaha tha andoh-e-wafa se chootu’n
Wo sitam‘gar mery marnay pe bhi razi na hua. . !

=======================

Majrooh jin se dil hi nahi’n, Rooh tak hui. .
Wo teer ittefaq se ik aashna ka tha. . !

=======================

3 Comments

Leave a Comment