Roman Urdu Poetry

Charaagh-e-Raah Bujha Rehnumaa Bhi Gaya – Parveen Shakir

Charaagh-e-Raah Bujha Kia, Ke Rehnumaa Bhi Gaya
Hawa Ke Saath Musaafir Ka Naqsh-e-Paa Bhee Gaya

Advertisements

Mein Phool Chunti Rahee Aur Mujhe Khabar Na Howi
Wo Shakhs Aa Ke Mere Sheher Se Chala Bhee Gaya

Bohat Azeez Sahee Osko Meri Dildaari
Magar Ye Hai Ke Kubhi Dil Mera Dukha Bhee Gaya

Ab Un Dareechon Pe Gehray Dabaiz Parday Hain
Wo Taank Jhaank Ka Masoom Silsila Bhee Gaya

Advertisements

Sab Aaye Meri Ayaadat Ko, Wo Bhee Aaya Tha
Jo Sab Gaye Tou Mera Dard Aashna Bhee Gaya

Ye Ghurbatain Meri Aankhon Mein Kaisi Utri Hain
Ke Khwaab Bhee Mere Rukhsat Hain, Ratjaga Bhee Gaya…

2 Comments

Leave a Comment