Roman Urdu Poetry

Judaii Shayari – Tark-e-ta’alluq kar tou chukay hain, aik imkaan abhi baaqi hai

Tark-e-ta’alluq kar tou chukay hain, aik imkaan abhi baaqi hai
Aik mahaaz se loot aye hain, aik maidan abhi baaqi hai

Advertisements

Shayad us ne hansi hansi mein, tark-e-wafa ka zikr kiya
Yunhi si ik khush-fehmi hai, itmenaan abhi baaqi hai

Raat’ain us k hijr mein ab bhi, naza’a kay aalam mein kat’ti hain
Dil mein waisi hi wehshat hai, tann mein jaan abhi baaqi hai

Bachpan k is ghar k saray kamray, maliya-mait huay hain
Jis mein hum khaila karty thy, wo daalan abhi baaqi hai

Advertisements

Diye mundair pe rakh aaty hain, hum har sham najanay kyun
Shayad us k laut aany ka, kuch imkaan abhi baaqi hai

Aik adalat aur hai jis mein, hum tum ik din hazir hongy
Faisla sun kar khush mat hona, aik mezaan abhi baaqi hai. . !
=============================

Hum hi mein na thi koi baat jo yaad na tum ko aa sakay
Tum ne humain bhula diya, hum na tumhain bhula sakay. . !
=============================

Hai inteha-e-yaas bhi ik ibtada-e-shauq. .
Phir aa gaye wahin pe, chalay thy jahan se hum. . !
=============================

Tujhy bhula k jiyu’n, aisi bad-dua bhi na de
Khuda mujhy ye tahammul, ye hosla bhi na de

Meray bayan-e-safaai k darmian mat bol
Sunay baghair mujhy, apna faisla bhi na de

Ye umer meine tery naam be-talab likh di
Bhalay se daman-e-dil mein kahin jaga bhi na de

Ye din bhi aaingy, aisa kabhi socha na tha
Wo mujh ko dekh bhi lay aur muskura bhi na de

Ye ranjish’ain to muhabbat k phool hain ‘Sajid’
Ta’aluqaat ko is baat per ganwa bhi na de. . !

=============================


Leave a Comment