bewafa

Nov 102012
 

Payaam Aaye Hain Os Yaar-e-Bewafa Ke Mujhe
Jisay Qaraar Na Aaya Kaheen Bhula Ke Mujhe

Judaayiaan Hon Tou Aisi Ke Umer Bhar Na Milain
Faraib Do Tou Zara Silsilay Barha Ke Mujhe

Nashay Se Kam Tou Nahi Yaad-e-Yaar Ka Aalam
Ke Le Urra Hai Koi Dosh Per Hawa Ke Mujhe

Mein Khud Ko Bhool Chuka Tha Magar Jahan Waalay
Udaas Chorh Gaye Aaina Dikha Ke Mujhe

Tumhaaray Baam Se Ab Kam Nahi Rifat-e-Daar
Jo Dekhna Ho Tou Dekho Nazar Utha Ke Mujhe

Khinchi Howi Hai Mere Aansooun Mein Ek Tasveer
“Faraz” Dekh Raha Hai Wo Muskura Ke Mujhe
Ahmad Faraz

Aug 272012
 

Aansu`oon ki Tarah Nazron say Giraya Us Ne
Apni khabar Na Mili Kuch Aise khak Mein Milaya Us Ne,

Elzaam Mujh Pe Lagaaya Magar Bewafa khud Tha
Pehle Dewana Banaya Phir Mujhey Thukraya Us Ne,

Usko Mazaa Aata Hai Mujhko Sataane Mein
Mujhe Geeli Lakri ki Tarah Jalaya Us Ne,

Aaya Na Tha Us ko Wadaa Wafaa Karnaa
Logon ko Jhota Apni Wafa ka Qisa Sunaya Us Ne,

Tanhayon K Dard Se khoob Waqif Tha Woh “FARAZ”
Pher Bhi Dunya Mein Mujhe TANHA Baanaya Us Ne.
- Ahmed Faraz

Jul 202012
 

Os Mohabbat Ne Hum Ko Kia Na Dia ?
Rooth Jaanay Ka Honsla Na Dia

Zindagi ! Tujh Se Ye Shikaayat Hai
Khaak Mein Kiun Hamain Mila Na Dia ?

Be-Wafai Pe Gar Sazaa Na Mili
Tou Wafaa Ka Bhi Kuch Silaa Na Dia

Hum Chalay Khwaab Baichnay Ke Lye
Os Ne Acha Kia Lia Na Dia

Teergi Phelti Gayi Har-Suu
Os Ne Mitti Ka Ik Diya Na Dia

Os Ka Dar Door Tou Nahi Tha Batool !
Hum Ko Qismat Ne Raasta Na Dia

Jul 172012
 

Bheerh Main Ik Ajanabii Kaa Samna Achcha Lagaa
Sab Se Chup Kar Vo Kisii Kaa Dekha Achcha Laga

Surmai Ankhon Ke Niiche Phool Se Khilane Lage
Kahate Kahate Kuchh Kisii Kaa Sochna Achcha Lagaa

Baat To Kuchh Bhii Nahin Thii Lekin Us Kaa Ek Dam
Haath Ko Honthon Pe Rakh Kar Rokna Achcha Lagaa

Chaay Main Chinii Milaana Us Gharii Bhaya Bahut
Zer-E Lab Vo Muskurata Shukriyaa Achcha Lagaa

Dil Main Kitane Ahad Bandhe The Bhulane Ke Use
Vo Milaa To Sab Iraade Torana Achcha Lagaa

Beirada Lams Kii Vo Sansanii Pyarii Lagii
Kam Tavajjo Aankh Kaa Vo Dekhna Achcha Lagaa

Niim Shab Kii Khamushi Main Bhiigatii Sarakon Pe Kal
Terii Yaadon Ke Jaalo Main Ghumna Achcha Lagaa

Us Uduu-E-Jaan Ko ‘Amjad’ Main Buraa Kaise Kahoon
Jab Bhii Aayaa Saamane Vo Bevafaa Achcha Lagaa

Apr 052012
 

Main Mar jaaon to Mere Sirhane Na Bithana Usko,
Bohot Tasalli Dena, Bohot Pyar se Smjhana Usko,

Ghomne ka Bahana kr k Dour Fizaon mai Kahin Lejana Usko,
Wo Bewafa Hy ,Us Waqt Ye Ehsas Na Dalana Usko,

Us K Samne Na Krna Baten Esi K Meri Yaad Aa jaye,
Mere Tafree Ky Mshghle Suna Suna k Hnsana Usko,

Wo Roye ga jb jb to Meri R0oh tarap uthaey ge,
aisa karo dostoo, meri m0ut ka hi na btana usk0