Kazmi

Sep 192012
 

Kaun is raah se guzarta hai
Dil yun hii intazaar kerta hai

Dekh ker bhi na dekhny walay
Dil tujhe dekh dekh Derta hai

Shehar-e-gul mein kati hai sari raat
Dekhiay din kahan guzerta hai

Dheyan ki seeriyon pe pichly pehar
Koi chupky sy paun dherta hai

Dil to mera udaas hai “Nasir”
Shehar kyun sayein sayein kerta hai…
Nasir Kazmi

Sep 192012
 

Wo sahilo’n pe gane wale kya hue,
wo kashtiya’n jalane wale kya hue,

wo subah aate aate rah gai kaha’n,
jo qafile the aane wale kya hue,

mai’n jin ki rah dekhta hu’n rat bhar,
wo raushani dikhane wale kya hue,

ye kaun log hain mere idhar udhar,
wo dosti nibhane wale kya hue,

Emarate’n to jal ke rakh ho gai’n,
Emarate’n banane wale kya hue,

ye aap ham to bojh hai’n zami’n ka,
zami’n ka bojh uthane wale kya .

Nasir Kazmi

Jul 152012
 

Itna dushwar nahin maut ko taley rakhna
Sar jo kat jaye to dastar sambhaley rakhna
Chot khana, magar is tarah ke lodhey uthey
Zulmat gham isi tarey se ujahely rakhna
Apne ehbaab ko seeney se lagaye phira
Aik khanjar bhi jaib mein daley rakhna
Meri pehchan mere peer-e-hin zakhm se hai
Ab bhi aezaaz sahi shaal do shaley rakhna
Dasht ehsaas ki hiddat bhi kayamat hai nadeem
Kuch zaroori tou nahin paon mein chaley rakhna

Jul 152012
 

Woh koi aur na tha chand Khushk patte the
shajar se tut k jo fasl-e-gul pe roye the
abhi abhi tumhain socha to kuch na yad aya
abhi abhi to ham ek-dusare se bichre the
tumhare bad chaman par jab ik nazar dali
kali kali main Khizan k chirag jalate the
tamam umr wafa ke gunahgar rahe
ye aur bat ki ham adami to ache the
shab-e-Khamosh ko tanhai ne zaban de di
pahar gunjte the dasht sansanate the
wo ek bar mare jin ko tha hayat se pyar
jo zindagi se gurezan the roz marte the
naye Khayal ab ate hain dhal ke zahan main
hamare dil main kabhi khet lahlahate the
ye irtiqa ka chalan hai k har zamane main
purane log naye admi se darte the
Nadeem jo bhi mulaqat thi adhuri thi
k ek chehre ke piche hazar chehre the

Ahmad Nadeem Qasmi

Jul 152012
 

Tujhe izhar-e-Mohabbat Say Agar Nafrat Thee,
Tu Nay HonTon Ko Laraznay Say To Roka Hota
Bay Niazi Say Magar Kaanpti Aawaz K Saath
Tu Nay Ghabra K Mera Naam Nah Poocha Hota
Terey Buss Main Thee Agar Mashal-e-jazbaat Ki Lau
Terey Rukhsaar Main Gulzaar Nah BhaRka Hota
Youn To Hwin Mujh Say Buss Aa-o-Hawa Ki Batein
Apnay tootey Huey Fiqron Ko To Parkha Hota
Youn He Bay Wajah He Thaknay Ki Zarurat Kiya Thee
Dam-e-Rukhsat Agar Kuch Yaad Nah Aaya Hota
Tera Ghammaz Bana jo tera Andaz-e-jurm
DiL Nah Sumbhla Tha To Qadmon Ko Sumbhala Hota
Apnay badley Meri Tasveer Nazar aa jati
Tu Nay Us Waqt Agar Ayena Dekha Hota
Hosla Tujh Main Nah Tha Mujh Say juda Honay Ka
Warna Kaajal Teri Aankhon Main Nah Phela Hota

Ahmad Nadeem Qasmi

Jul 132012
 

Hoti Hai Tere Naam Se Wehshat Kabhi Kabhi
Barham Hui Hai Yun Bhi Tabiyat Kabhi Kabhi

Ay Dil Kise Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Tere Karam Se Ay ALm-e-Husn-e-Aafreen
Dil Ban Gaya Hai Dost Ki Khilwat Kabhi Kabhi

Dil Ko Kahan Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Josh-e-Junoon Main Dard Ki Tugyaniyon K Saath
Ashkon Main Dhal Gai Teri Surat Kabhi Kabhi

Tere Qareeb Reh k Bhi Dil Mutmayin Na Tha
Guzri Hai Mujh Pe Ye Qayamat Kabhi Kabhi

Kuch apna Hosh Tha Na Tumhara Khayaal Tha
Yun Bhi Guzar Gai Shab-e-Furqat Kabhi Kabhi

Ay Dost Ham Ne Tark-e-Muhabbat Ke Bawajood
Mehsoos Ki Hai Teri Zarurat Kabhi Kabhi

 

- Nasir Hussain Kazmi

Jul 082012
 

Apni dhun main rahta hun
main bhi tere jaisa hun

o pichli rut k sathi
ab k baras main tanha hun

teri gali main sara din
dukh k kankar chunta hun

mujh se ankh milaye kaun
main tera aina hun

mera diya jalaye kaun
main tera khali kamra hun

tu jiwan ki bhari gali
main jangal ka rasta hun

apni lahar hai apna rog
dariya hun aur pyasa hun

ati rut mujhe royegi
jati rut ka jhonka hun

Jul 052012
 

Girifta-dil hain bahut aaj tere diwane
Khuda kare koi tere siwa na pahchane

miti miti si ummiden thake thake se khayal
bujhe bujhe se nigahon main gham k afsane

hazar shukr k ham ne zuban se kuch na kaha
ye aur bat k pucha na ahal-e-duniya ne

baqadr-e-tashnalabi pursish-e-wafa na hui
chalak k rah gaye teri nazar k paimane

khayal a gaya mayus rahguzaron ka
palat k a gaye manzil se tere diwane

kahan hai tu k tere intazar main ai dost
tamam rat sulagate rahe dil k wirane

ummid-e-pursish-e-gham kis se kijiye ‘Nasir’
jo mere dil pe guzarti hai koi kya jane

Jun 092012
 

Dil DhaRakne Ka Sabab Yaad Aaya
Wo Teri Yaad Thi Ab Yaad Aaya

Aaj Mushkil Tha Sambhalna Ay Dost
TU Musibat Main Ajab Yaad Aaya

Din Guzra Tha Bari Mushkil Se
Phir Tera Waada-e-Shab Yaad Aaya

Tera Bhula Hua Paimaan-e-Wafa
Mar Rahenge Gar Ab Yaad Aaya

Phir Loog Nazar Se Guzre
Phir Koi Sheher-e-Tarab Yaad Aaya

Haal-e-Dil Hum Bhi Sunate Laikin
Jab Wo Rukhsat Howa Tab Yaad Aaya

Baith Kar Saaya-e-Gul Main ‘Nasir’
Hum Bohat Roye Wo Jab Yaad Aaya