zakham

Jun 072012
 

Akhiri Tis azamane ko
ji to chaha tha muskurane ko

Yaad itni bhi sakht jan to nahin
ik gharaunda raha hai dahane ko

sangrezon main dhal gaye ansu
log hansate rahe dikhane ko

zaKhm-e-nagma bhi lau to deta hai
ik diya rah gaya jalane ko

jalane vale to jal bujhe akhir
kaun deta Khabar zamane ko

kitne majbur ho gaye honge
ankahi bat munh pe lane ko

khul ke hansana to sab ko ata hai
log tarasate rahe ik bahane ko

reza reza bikhar gaya insan
dil ki viraniyan jatane ko

hasraton ki panahgahon main
kya thikane hain sar chhupane ko

hath kanTon se kar liye zakhmi
phul balon main ik sajane ko

as ki bat ho ki sans.. Ada
ye Khilaune hain tuT jane ko

Jun 032012
 

Mujhe har kaam se pehle
Sehar se sham se pehle
Yahi ikk kaam karna hai
Tumhara naam laina hai
Tumhi ko yaad karna hai
K jab bhi dard pena hai
K jab bhi zakham sena hai
Gham-e-dunia se gabra kar
Mujhe jab jam laina hai
Tumhara naam laina hai
Tumhi ko yaad karna hai
Tumhari yaad hai dil me
Koi barbad hai dil me
Use abad karna hai
Tumhara naam laina hai
Tumhi ko yad karna hai

Apr 052012
 

Bhool kar mujh ko wo jeenay ki wajah poochta hai
kese zindah hun main ab tak ye ada poochta hai

rooz meri rooh ko wo de jata hai zakham naye
shoq uska hai magar mujh se saza poochta hai

mery hathon ko lakeeron men basa hai jab wo
phir q wo apni dy kar Qasam meri raza poochta hai

usko ye khof k kahin main usko Hasil na kar loon
Main jab uthaun hathon ko,,wo meri dua poochta hai