zindagi

Nov 202012
 

Dasht-e-Wafa Mein Pyaas Ka Aalam Ajeeb Tha
Dekha To Aik Dard Ka Dariya Qareeb Tha

Guzrey Jidhar Jidhar Se Tamanna K Qaafley
Her Her Qadam Pe Aik Nishaan-e-Saleeb Tha

Kuch Aysi Meherbaan Tou Na Thi Ham Pe Zindagi
Kyun Her Koi Jahaan Mein Hamara Raqeeb Tha

Apna Pata To Us Ne Diya Tha Mujhy “MOHSIN”
Main Khud Hi Kho Gaya Tou Ye Mera Naseeb Tha

VN:D [1.9.22_1171]
Rating: 8.5/10 (11 votes cast)
Aug 072012
 

Kabhi Ghum Ki Aag Main Jal Uthe
Kabhi Dil ka Dagh Jala Dia

Aye Janoon-e-Ishq Bata Zara
Mujhe Kyun Tamasha Bana Dia

Gham-e-Ishq Kitna Ajeeb Hai
Ye Janoon Se Kitna Qareeb Hai

Kabhi Ashk Palkon Pay Ruk Gaye
Kabhi Main Ne Darya Baha Dia

Mera Jazba-e-Shoq To Dekhiye
Meri Bandgi Hai Wo Bandgi

Jahan Tera Naqsh-e-Qadam Mila
Wahin Kaaba Main Ne Bana Dia

Abi Kar Rehe Ho Tum Ibteda
Mera Keh Raha Hai Ye Tajruba

Tumain Zindagi Ki Hai Arzu
Mujhe Zindagi Ne Mita Dia…..!

VN:D [1.9.22_1171]
Rating: 9.4/10 (7 votes cast)
Jul 202012
 

Os Mohabbat Ne Hum Ko Kia Na Dia ?
Rooth Jaanay Ka Honsla Na Dia

Zindagi ! Tujh Se Ye Shikaayat Hai
Khaak Mein Kiun Hamain Mila Na Dia ?

Be-Wafai Pe Gar Sazaa Na Mili
Tou Wafaa Ka Bhi Kuch Silaa Na Dia

Hum Chalay Khwaab Baichnay Ke Lye
Os Ne Acha Kia Lia Na Dia

Teergi Phelti Gayi Har-Suu
Os Ne Mitti Ka Ik Diya Na Dia

Os Ka Dar Door Tou Nahi Tha Batool !
Hum Ko Qismat Ne Raasta Na Dia

VN:D [1.9.22_1171]
Rating: 6.8/10 (9 votes cast)
Jul 142012
 

Bin Us K Zindagi Dard-e-Tanhai Hai,
Meri Aankhon Mai Q Mout Simat Aae Hai,
Kehtay Hai Loug Ishq Ko Ibadat Yaro,
Ibadat Mai Phr Q Itni Ruswai Hai,
Mahifl mai reh kr b tanha rehna,
Ye ada uski mohabbat nay sikhai hai,
Us sy taluq hai kuch aisa dil ka,
Jb b sochA usko ankh bhAr ai hai…!

VN:D [1.9.22_1171]
Rating: 7.6/10 (21 votes cast)
Jul 132012
 

Hoti Hai Tere Naam Se Wehshat Kabhi Kabhi
Barham Hui Hai Yun Bhi Tabiyat Kabhi Kabhi

Ay Dil Kise Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Tere Karam Se Ay ALm-e-Husn-e-Aafreen
Dil Ban Gaya Hai Dost Ki Khilwat Kabhi Kabhi

Dil Ko Kahan Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Josh-e-Junoon Main Dard Ki Tugyaniyon K Saath
Ashkon Main Dhal Gai Teri Surat Kabhi Kabhi

Tere Qareeb Reh k Bhi Dil Mutmayin Na Tha
Guzri Hai Mujh Pe Ye Qayamat Kabhi Kabhi

Kuch apna Hosh Tha Na Tumhara Khayaal Tha
Yun Bhi Guzar Gai Shab-e-Furqat Kabhi Kabhi

Ay Dost Ham Ne Tark-e-Muhabbat Ke Bawajood
Mehsoos Ki Hai Teri Zarurat Kabhi Kabhi

 

- Nasir Hussain Kazmi

VN:D [1.9.22_1171]
Rating: 8.2/10 (5 votes cast)
Jul 052012
 

Aye meri zindagi tujhe dhoondhoon kahaan
naa to mil ke gaye, naa hi chhoda nishaan
Aye meri zindagi tujhe dhoondhoon kahaan
naa vo lay aaj rahi, naa vo mahamil raha
Paas manzil pe aake loota kaaravaan, ho loota kaaravaan
aye meri zindagi tujhe dhoondhoon kahaan
Ye sitaare nahin gham ke aansoo hain ye
ro raha hai mere haal par aasamaan, haal par aasamaan
Aye meri zindagi tujhe dhoondhoon kahaan
tumase milake hi masti men khoye the ham
Aankhen khuli to ujada huaa, tha jahaan ab main jaaoon kahaan
aye meri zindagi tujhe dhoondhoon kahaan
tujhe dhoondhoon kahaan, tujhe dhoondhoon kahaan

 

VN:D [1.9.22_1171]
Rating: 8.5/10 (6 votes cast)