Ahmad Nadeem Qasmi Urdu Poets

Ahmed Nadeem Qasmi Ghazal : Gul teraa rang churaa laaye

Gul teraa rang churaa laaye hai.n gul_zaaro.n me.n 
jal rahaa huu.N bharii barasaat kii bauchhaaro.n me.n 

mujh se kataraa ke nikal jaa magar ai jaan-e-hayaa
dil kii lau dekh rahaa huu.N tere ruKhasaaro.n me.n

husn-e-begaanaa-e-ehasaas-e-jamaal achchhaa hai
Gunche khilate hai.n to bik jaate hai.n baazaaro.n me.n

zikr karate hai.n teraa mujh se baa_unavaan-e-jafaa
chaaraagar phuul piro laaye hai.n talvaaro.n me.n

Advertisements

zaKhm chhup sakate hai.n lekin mujhe fan kii saugaundh
Gam kii daulat bhii hai shaamil mere shaahakaaro.n me.n

mujh ko nafarat se nahii.n pyaar se masluub karo
mai.n to shaamil huu.N mohabbat ke gunaah_gaaro.n me.n

Ahmed Nadeem Qasmi Shayari in Urdu


6 Comments

  • ab tak to nuur-o-niKhat-o-rang-o-sadaa kahuu.N
    mai.n tujh ko chhuu sakuu.N to Khudaa jaane kyaa kahuu.N

    lafzo.n se un ko pyaar hai mafhuum se mujhe
    vo gul kahe.n jise mai.n teraa naqsh-e-paa kahuu.N

    ab justajuu hai terii jafaa ke javaaz kii
    jii chaahataa hai tujh ko vafaa aashnaa kahuu.N

    sirf is ke liye ke ishq isii kaa zahuur hai
    mai.n tere husn ko bhii sabuut-e-vafaa kahuu.N

    tuu chal diyaa to kitane haqaa_iq badal gaye
    najm-e-sahar ko marqad-e-shab kaa diyaa karuu.N

    kyaa jabr hai ke but ko bhii kahanaa pa.De Khudaa
    vo hai Khudaa to mere Khudaa tujh ko kyaa kahuu.N

    jab mere muu.Nh me.n merii zubaa.N hai to kyuu.N na mai.n
    jo kuchh kahuu.N yaqii.n se kahuu.N barmalaa kahuu.N

    kyaa jaane kis safar pe ravaa.N huu.N azal se mai.n
    har intahaa ko ek na_ii ibtidaa kahuu.N

    ho kyuu.N na mujh ko apane mazaaq-e-suKhan pe naaz
    Gaalib ko kaa_inaat-e-suKhan kaa Khudaa kahuu.N

  • gul teraa rang churaa laaye hai.n gul_zaaro.n me.n
    jal rahaa huu.N bharii barasaat kii bauchhaaro.n me.n

    mujh se kataraa ke nikal jaa magar ai jaan-e-hayaa
    dil kii lau dekh rahaa huu.N tere ruKhasaaro.n me.n

    husn-e-begaanaa-e-ehasaas-e-jamaal achchhaa hai
    Gunche khilate hai.n to bik jaate hai.n baazaaro.n me.n

    zikr karate hai.n teraa mujh se baa_unavaan-e-jafaa
    chaaraagar phuul piro laaye hai.n talvaaro.n me.n

    zaKhm chhup sakate hai.n lekin mujhe fan kii saugaundh
    Gam kii daulat bhii hai shaamil mere shaahakaaro.n me.n

    mujh ko nafarat se nahii.n pyaar se masluub karo
    mai.n to shaamil huu.N mohabbat ke gunaah_gaaro.n me.n

  • zehano.n me.n Khayaal jal rahe hai.n
    socho.n ke alaav-se lage hai.n

    duniyaa kii girift me.n hai.n saaye
    ham apanaa vujuud Dhuu.NDhate hai.n

    ab bhuukh se ko_ii kyaa maregaa
    manDii me.n zamiir bik rahe hai.n

    maazii me.n to sirf dil dukhate the
    is daur me.n zehan bhii dukhe hai.n

    sir kaaTate the kabhii shahan_shaah
    ab log zubaan kaaTate hai.n

    ham kaise chhu.Daaye.n shab se daaman
    din nikalaa to saaye chal pa.De hai.n

    laasho.n ke hujuum me.n bhii ha.Ns de.n
    ab aise bhii hausale kise ha.n 🙂

Leave a Comment