Wasi Shah

Kabhi Jo Hum Nahi Hoon Gy, Kaho Kis Ko Batao Gy + 5 Ghazals By Wasi Shah

Advertisements

Kabhi Jo Hum Nahi Hoon Gy,
Kaho Kis Ko Batao Gy,
Wo Apni Uljahnain Sari,
Wo Becheni Main Dooby Pal,
Wo Ankhon Main Chupe Ansu,
Kise Phir Tum Dikhao Ye,
Kabhi Jo Hum Nahi Hoon Gy,
Bohat Bechain Ho Gy Tum,
Bohat Tenha Reh Jao Gy,
Abhi B Tum Nahi Sumjhe,
Hamari Unkahi Batein,
Mager Jub Yaad Aayen Gy,
Bohat Tum Ko Rulayen Gy,
Bohat Chaho Gy Phir B Tum,
Humein Na Dhoond Pao Gy,
Kabhi Jo Hum Nahi Hoon Gy..

Advertisements

************************

Kissi Ki Ankh Se Sapney Chura Ker Kuch Nahi Milta
Mandeiron Ke Chiraaghon Ko Bhuja Ker Kuch Nahi Milta

Koi Ik Aadha Sapna Ho Tou Ho , Acha Bhi Lagta Hai
Hazaron Khawab Ankhon Mein Saja Ker Kuch Nahi Milta

Advertisements

Unse Kehna Ke Palkon Per Na Tanke Khawbon Ke Jhalar
Samandar Ke Kinare Ghar Bana Ker Kuch Nahi Milta

Yeh Acha Hai Ke Apas Ke Bharam Na Tootne Payen
Kabhi Kabhi Doston Ko Azma Ker Kuch Nahi Milta

Mujhe Aksar Sitaron Se Yehi Awaaz Aati Hai
Kissi Ke Hijr Mein Neendein Ganwaa Ker Kuch Nahi Milta

Jigar Ho Jayega Chalni Yeh Ankhein Khoon Royengi”Jaan”
Wasi Be-Faiz Logon Se Nibha Ker Kuch Nahi Milta?.

************************

Jo Meri Ankhon Se Khawab Dekho
To Ek Bhi Shab Na So Sako Ge

Ke Laakh Chaho Na Hans Sako Ge
Hazar Chaho Na Ro Sako Ge

Ke Khawab Kia Hain Azaab Hain Yeh
Mere Dukhon Ki Kitaab Hain Yeh

Rafaqaten Un Ki Choot-Ti Hain
Mohabbaten Un Ki Rooth-Ti Hain

Panapti Hain Un Main Wehshaten Si
Aziyaten Un Main Phoot-Ti Hain

Inhi Ke Sar Se Khizaan Hain Jazbay
Inhi Se Shaakhen Se Toot-Ti Hain

Ghamon Ki Bandish Main Khawab Mere
Dukhon Ki Barish Main Khawab Mere

Ubal Raha Hai Dukhon Ka Laawa
Zameen Aatish Hain Khawab Mere

Khayal Saaray Jhulas Gaye Hain
Sulagti Khawahish Hain Khawab Mere

Ukharti Saansen Hain Zindagi Ki
Lahu Ki Saazish Hain Khawab Mere

Jo Meri Ankhon Se Khawab Dekho
To Ik Shab Bhi Na So Sako Ge

************************

 ‘Mujhe Teri Mohabbat Mein Kho Jaane Do,
Har Lamha Mar Ke Aaj Phir Jee Jaane Do,

Isse Mahobbat Ne Dil Ko Aaj Phir Dhadkaya Hai,

Mujhe Ishq Ki Baaho Mein So Jaane Do,
Tadap Ki Aag Hai Judaai Ki Baahon Mein,

Mujhe Aaj Iss Mohabbat Se Mil Jaane Do,
Meri Saans Chalti Hai Tere Naam Ki Aahat Pe,

Mujh Benaam Ko Iss Naam Mein Kho Jaane Do,

Kasam Tujhe Chalne Wali Hawaon Ki Mehboob,
Mujhe Iss Mohabbat Ki Aag Mein Jal Jaane Do’

************************

Mein Yun Miloon Tujhse Ke Tera Libaas Ban Jaon
Tujhe Bana Ke Samandar Aur Khud Pyaas Ban Jaon

Aaj Pehloon Mein Mujhe Toot Ke Bikhar Jane Do
Kal Ko Shayad Mumkin Nahi Ke Mein Tumko Paon

Tu Ban Jaye Lehar Aur Mein Sahil Ban Jaon
Ho Ishq Mera Sahil To Mein Roz Tujhse Takraon

Mein Yun Miloon Tujhse Ke Tera Libaas Ban Jaon
Tujhe Bana Ke Samandar Aur Khud Pyaas Ban Jaon…!!!

************************

Leave a Comment