Wasi Shah

Maan Lai Ab Bhi Meri Jaan-E-Adaa, Dard Na Chun + 5 Ghazals By Wasi Shah

Advertisements

Maan Lai Ab Bhi Meri Jaan-E-Adaa, Dard Na Chun,
Kaam Aati Nahin Phir Koi Duaa, Dard Na Chun,

Advertisements

Aur Kuch Dair Mein Mujh Ko Chale Jana Hoga,
Aur Kuch Dair Mujhe Khawab Dikha, Dard Na Chun,

Aik Bhi Dard Na Kam Hoga Keyi Sadiyon Mein,
Ab Bhi Kehta Hoon Tujhe Waqt Bachaa, Dard Na Chun,

Woh Jo Likha Hai Kisi Taur Nahin Ttal Sakta,
Aa Mere Dil Main Koi Deep Jala, Dard Na Chun,

Advertisements

Main Tere Lamss Se Mehroom Na Rah Jaaon Kahin,
Aakhri Baar Mujhe Khud Se Laga, Dard Na Chun,

Ab To Yeh Raishmi Purain Bhi Chaddi Jati Hain,
Khud Ko Ab Bakhssh Bhi De, Zulm Na Dhaa, Dard Na Chun,

Yeh Nahin Hon Ge To Khali Nahin Ho Jaon Ga Mein,
Mere Zakhmon Se Koi Geet Bana, Dard Na Chun,

Kuch Na De Ga Yeh Masaayel Se Ulajhtey Rehna,
Chorr Sab Kuch Meri Banhon Mein Samaa, Dard Na Chun..

************************

Sari Raat Ki Jaagi Aankhein,
College Mein Kiya Parrhti Hon Gi,
Yunhi Khoye, Dil Hi Dil Mein,
Jaanay Kiya Kiya Karti Hon Gi,

Sari Raat Ki Jaagi Aankhen,
Koi Bolay, Kaan Na Dharna,
Koi Hillay To Ek Dam Darna,
Koi Daikhe In Ka Barhna,
Apne Aap Say Larti Hon Gi,

Sari Raat Ki Jagi Aankhein,
Apni Kitaabein Phartey Rehna,
Us Ki Baaten Kartey Rehna,
Us Ki Yaadein Ghartey Rehna,
Jeetay Jeetay Marti Hon Gi,

Sari Raat Ki Jagi Aankhein,
College Mein Kiya Parrhti Hon Gi..

************************

Ab Magar Kuch Bhi Nain, Kuch Bhi Nahin Ho Sakta,
Apne Jazbon Se Yeh Rangeen Shararat Na Karo,

Kitni Masoom Ho, Naazuk Ho, Hamaqat Na Karo,
Baar’haa Tum Se Kaha Tha Ke Mohabbat Na Karo..

************************

Haaye Wo Lamha Ke Jab Tujh Se Shanasaayi Howi
Phir Jo Honi Thi Meri Jaan Wo Ruswaayi Howi

Apni Nakaam Mohabbat Ka Na Yun Charcha Karo
Zakham Barh Jaye Ga Gar Is Ki Paziraayi Howi

Phir Zamanay Mein Kisi Ne Ose Dekha Na Suna
Tere Darbaar Mein Jis Shakhs Ki Shanwaayi Howi

Jab Teri Yaad Ko Koi Bhi Thikaana Na Milay
Meri Baahon Mein Chali Aati Hai Ghabraayi Howi

************************

Dya Dye Se Jalaa Loon Tou Chain Aaye Mujhe
Tumhain Galay Se Laga Loon Tou Chain Aaye Mujhe

Mohabbaton Ke Saheefay Hain Ya Azaab Koi ?
Tere Khatoot Jala Loon Tou Chain Aaye Mujhe

************************

Leave a Comment